Føddur og uppvaksin í pólska høvuðsstaðnum, hann nam sær cand.pol. útbúgving á lærda háskúla í Warszawa. Í sínum dagliga yrki hevur Marcin mest at gera við ungdómar, hann samstarvar við ikki-stjórnarfelagskapar innan samfelagsfyribyrging og ungdómsmenning.

Vegna sterka áhuga sín fyri føroyskum viðurskiftum setti Marcin eitt hálvt ár av sínum lívi av til at búgva og arbeiða í Vestmanna. Úrslitið av tí tíðarskeiðnum er fyrsta reportasjubókin um Føroyar á pólskum máli, "81:1. Opowieści z Wysp Owczych"  (81:1. Søgur úr Føroyum. Forlagið Czarne 2011, seinna útgávan 2018), sum hann skrivaði saman við Maciej Wasielewski.

Marcin hevur í nógv ár havt internetbloggan Havnar og hann dagførir facebook-síðurnar Wyspy Owcze (Føroyar), Projekt Føroyar og Piłka nożna na Wyspach Owczych (Fótbóltur í Føroyum). Av og á virkar hann eisini sum ferðaleiðari undir føroyatúrum hjá póllendingum.

Í ferðabókini hevur hann skrivað um mentan, ítrótt og partvís eisini um føroyskan samleika.

Marcin Michalski

Havnar.blogspot.com